Fín verslunarmannahelgi þetta árið :) Sól og steik næstum út í eitt. Vinakvöld á föstudagskvöldið, fjölskyldudagar laugardag og sunnudag og loks letileg duglegheit heima við í dag. Alls ekki slæmt.

Jói er búinn að tengja fartölvuna mína við skjá og ég er búin að færa mig út í horn við tölvuborðið þar. Sem þýðir að ég get loks haft skrifborðið laust til að föndra, æfa mig að teikna og skipuleggja skólastarfið. Reyndar svolítið skrýtið að vera kominn á venjulegt lyklaborð, ég er orðin svo vön fartölvulyklaborðinu að ég geri eintómar vitleysur núna. En þetta venst að sjálfsögðu :)
Skrifborðið varð reyndar ekki sjálfkrafa hreint og fínt við að færa fartölvuna út í horn...ég þurfti fyrst að grafa það upp úr alls kyns öðru drasli sem ekki var á sínum rétta stað. Svo ég er búin að vera ansi dugleg við tiltektir í dag :)

Kvöldmaturinn samanstóð af enn einni steikinni en við grilluðum voða fínar BBQ-lambasneiðar og vorum með fullt af góðu meðlæti. Nú ætla ég að leggjast út af, hneppa frá efstu tölunum á buxunum og slappa af í kvöld :)