Líklega margir nemendur og kennarar sem verða í sporum Calvins í fyrramálið... ;)

Opnaði í gærmorgun auglýsingabækling frá Endurmenntun Háskóla Íslands og rak þar strax augun í ritlistarnámskeið. Mig hefur lengi dreymt um að komast á slíkt námskeið svo nú ætla ég að slá til. Skráði mig í gegnum netið áður en ég fór í háttinn í gær og bíð nú bara spennt fram til 5. febrúar. Vona að þetta gefi mér nægilega gott spark í rassinn til að ég komist eitthvað áfram með vesalings litlu skáldsöguna mína.

Við fengum fínan mat á Ítalíu með Stefu og Rúnari í gær. Að því loknu fórum við heim til þeirra og tókum tvær umferðir í Catan. Við erum alltaf að uppgötva eitthvað nýtt í reglunum. Kannski kominn tími til að setjast niður með þær og lesa þær vandlega í gegn? Svona til að hafa þetta rétt... ;)