Sem upprunalegur Laugdælingur verð ég að gangast við flestu á lista þessarar bloggfærslu. Ég fór reglulega í klippingu í Spörtu (en reyndar ekki fyrr en Kambur lokaði...), ég skipti enn við Landsbankann á Langholtsvegi, hef farið í ófáar messur og safnaðarkaffi, þekkti strætóleiðir nr. 4 og 5 betur en handarbökin á mér og er að sjálfsögðu besta vinkona aðal í Laugarásvideo! ;) Fleira ætla ég nú ekki að játa á mig af listanum en þetta er alveg satt, það er mjög sérstök stemning sem fylgir því að vera Laugdælingur! ;) hehe

Nú þykist ég bara vera Hlíðarbúi og heyrði m.a.s. nokkuð fyndna Hlíðabrandara í dag. Nemandi minn tilkynnti mér nefnilega að Mávahlíðin væri full af mávum, í Stigahlíðinni væri heilmikið af stigum, í Blönduhlíðinni væru allir að blanda eitthvað og allir í Drápuhlíðinni væru að drepast. Saman komumst við svo að því að þá hlytu að vera Eskimóar í Eskihlíðinni og síðan hlógum við heilmikið að eigin fyndni. Já, það er sko skemmtilegur húmor í 6 ára bekk! Þarf endilega að bjóða Theó og Lenu í brandaraheimsókn til okkar, einiberjatréð er orðið svo gamalt og kominn tími á nýja brandara ;)