Jú, ég er enn á lífi ;) Er eitthvað hálfdofin gagnvart blogginu þessa dagana en lifna vonandi bráðum við - jólin að koma og svona :)

Er ýmislegt að gera mér til dundurs þessa dagana.

Við Stefa erum farnar að dansa magadans í Magadanshúsinu. Erum reyndar bara búnar að fara í einn tíma fyrir hálfum mánuði því tíminn í síðustu viku féll niður. En á morgun skal haldið áfram og vonandi fer ég að læra að hreyfa mig rétt (er yfirleitt smávegis tréhestur þegar kemur að því að læra nýjar hreyfingar ;)...).

Í næstu viku mun ég síðan verða aðstoðarkórstjóri! Já, við Sigríður tónmenntakennari erum að stofna kór í skólanum og ég verð undirleikari og aðstoðarkórþjálfari. Spennandi og skemmtilegt að fara í einhverja svona tónlistarvinnu :)

Piparkökubakstrinum er lokið og piparkökurnar bíða í ofvæni inn í skáp eftir að verða skreyttar. 7. desember er svo Sörubaksturinn í skólanum og ég verð endilega að reyna að borða eitthvað úr frystinum áður en að því kemur, svo það verði pláss þar fyrir Sörurnar. Síðan fer að koma tími á að finna uppskriftirnar Geirakökunum og velja eitthvað meira spennandi gúmmelaði til að búa til. Gómsætur mánuður framundan ;)

Svo er ég búin að fá mér fiskabúr. Nei, ekki með lifandi fiskum, og í rauninni ekki alvöru fiskabúr. Bara með svona stafrænum fiskum ;) já, og geimverum líka sem koma og ráðast á fiskana mína... hmmmm... hljómar undarlega en er ótrúlega skemmtilegt :)