Í dag fór ég sem fulltrúi míns fjölskylduhluta í skírn Loga Freys Arnarssonar. Nú eru sem sagt bæði Arnarson og Arnarsson skírðir, sonur Arnar og Regínu ber nú nafnið Ísar Logi meðan sonur Arnars og Ástu ber nafnið Logi Freyr (er það nokkuð skrýtið að lesendur mínir hafi ruglast í lok síðasta árs...?).
Skírnin í dag fór sjálf fram á heimilinu þar sem veislan var haldin og er þetta í fyrsta skipti sem ég er viðstödd heimaskírn. (Ég var nefnilega stödd í Frakklandi þegar Oddur Vilberg var skírður heima á Kambsvegi.) Þetta var falleg athöfn og gaman að hafa verið á staðnum. Til hamingju Arnar Már, Ásta og Logi Freyr :)