Í dag er 1. apríl.
Held ég hafi ekki fallið fyrir neinu meiriháttar gabbi í dag. Nemendur mínir reyndu hvað þeir gátu til að gabba mig en einhvern veginn tókst þeim ekki að sannfæra mig um að það væru risaeðlur og villikettir á bak við mig og þjófar undir kennaraborðinu. Sumir reyndu að láta mér bregða með því að hrópa bööö og hlógu síðan svakalega og hrópuðu 1. apríl. Guðrún Brynja, sem kennir 1. bekk í Hafnarfirði, sagði mér í D-bekkjarsaumó áðan að hennar nemendur hefðu sagt henni að hún væri með górilluapa á bakinu. Greinilega svipaður húmor alls staðar hjá þessum aldri ;)

Já, það var saumó áðan hjá Helgu Sigrúnu. Fín mæting og alltof mikið af veitingum. Tveir herramenn, þeir Rúnar Ingi og Kristófer Logi, eru enn nógu ungir til að mega mæta en þeim síðarnefnda leist reyndar ekkert á lætin í okkur enda verðum við seint kallaðar hljóðlátar.