Það veit ég vel að margir eru andvígir kjarabaráttu kennara en Þráinn Bertelsson sló samt öll met í pistli sínum aftan á Fréttablaðinu í gær þann 22. september. Hann setur mig og aðra grunnskólakennara undir sama hatt og Osama Bin Laden, flugræningjana þann 11. september 2001 og gíslatökumennina í Beslan sem urðu valdir að dauða, limlestingum eða hvarfi hátt yfir 1000 manns. Samkvæmt honum eru verkfallsaðgerðir okkar hryðjuverk og höldum við nemendum okkar í gíslingu. Aðgerðir okkar eru komnar undir sömu skilgreiningu og aðgerðir þeirra sem myrða menn, konur og börn, sem höggva miskunnarlaust af þeim höfuðin og nota flugvélar sem sprengjur.
Glæsilegt, Þráinn, alveg hreint glæsilegt innlegg í umræðuna...