Býst við að það sé kominn tími til að láta í mér heyra :)

Er búin að hafa það ósköp gott um jólin. Á aðfangadagskvöld vorum við í Hraunbænum hjá tengdamömmu en fórum svo á jóladag austur á Selfoss.

Þar fyrir utan hef ég aðallega notað tímann í að lesa, borða nammi og laufabrauð og föndra. Las Grafarþögn um daginn og nú er ég að lesa Þriðja táknið sem Hlíðaskóli gaf mér í jólagjöf. Að henni lokinni á ég síðan tvær vænlegar pocketbækur; eina chicklit-bók og eina Fabio-bók.

Hlusta líka heilmikið á nýju diskana mína tvo. Goðið Robbie Williams fékk ég í jólagjöf en Úr vísnabók heimsins fyrir jól. Ólíkir diskar en mjög góðir báðir tveir.

Það verkefni sem bíður svo næstu daga er að leggja lokahönd á nýja búninginn sem síðan mín ætlar að klæðast frá og með áramótum. Þetta er allt að verða klárt :)