Við myndavélin fórum og fengum okkur ferskt loft í dag.
Við fundum fugla, blóm og gamlar æskuslóðir.
Afraksturinn var ca. 190 myndir enda höfum við myndavélin almennt ekki verið þekktar fyrir að koma heim með fáar myndir.

Nóg að gera í félagslífinu undanfarið.

Fór með nokkrum vinnufélögum á Pasta Basta á miðvikudagskvöldið. Ósköp kósí og skemmtilegt. Fannst samt frekar fúlt að þeir eru hættir með pappírsdúkana og vaxlitina, hlakkaði til að teikna eitthvað sniðugt meðan við biðum eftir matnum.

Á föstudagskvöldið var d-bekkjarsaumó hjá Lindu. Við vorum 9 talsins sem er nú í hærra lagi fyrir hópinn og það var sérstaklega gaman að fá hina sjaldséðu hvítu hrafna Jóhönnu og Guðrúnu Brynju, en þar sem önnur er á Vestfjörðum og hin í útlöndum þá komast þær skiljanlega ekki mjög reglulega í saumaklúbb...

Í gær komu svo Theó, Lena og Jóhanna til mín í videokvöld. Ástæðan fyrir hittingnum var nú aðallega til að sjá poppvélina mína í aksjón. Við poppuðum fulla vél og stóðum allar fjórar inni í eldhúsi og góndum á vélina meðan hún poppaði. Ofsa gaman :)

Í dag hitti ég svo mömmu og Guðbjörgu í Kringlunni. Við kíktum í Next og Hagkaup og fengum okkur svo dýrindis veitingar á Café Roma.

Svo að ég er bara ansi sátt :)