Suma daga er maður ekki alveg með fúlle fem - er eiginlega frekar bara með svona tvo, þrjá...
Keypti nýjan klósettbursta í Bónus í gær. Keypti líka fullt af mat og var í lengri tíma að ganga frá öllu í eldhúsinu. Rak svo allt í einu auga í Bónuspoka sem var hálftómur, það var bara einn klósettbursti í honum. Heilinn tilkynnti mér að ég væri búin að setja nýja burstann fram og þetta væri sá gamli, tilbúinn að fljúga niður ruslalúguna. Svo að ég henti meira drasli með í pokann, batt fyrir og henti öllu saman niður ruslalúguna. Nú í morgun lít ég á klósettburstann við hliðina á klósettinu, og viti menn... það er auðvitað sá gamli! Sá nýi liggur á kafi í alls kyns ókræsilegu drasli frá 8 íbúðum niðri í ruslageymslu. Hef ekki lyst á að grafa eftir honum.
Sem betur fer kostaði hann bara 489 kr.
En samt...