Við brugðum okkur af bæ í dag og fórum með strætó yfir í Elliðaárdalinn. Tilgangurinn var að kíkja á haustlitina og lyfta nefinu smávegis upp úr námsbókunum.

Veðurspáin hafði ekki lofað góðu en það er erfitt að finna tíma þar sem þrír bekkir í árgangi geta stungið af saman svo að við ákváðum bara að láta slag standa fyrst að fimmtudagurinn hentaði.

Ég er fegin að við gerðum það. Það var jú mjög kalt en sólin skein allan tímann og það kom ekki dropi úr lofti. Slyddan sem veðurspáin hafði talað um lét ekki sjá sig.

Við gengum um dalinn, borðuðum nesti og tíndum alla vega lit laufblöð. Fínn dagur :)