Við Jói brugðum okkur til útlanda í dag - eða svo fannst mér alla vega. Ég sótti hann í vinnuna kl. 14 og hann tók sér sumarfrí það sem eftir var dagsins. Við skruppum aðeins heim og hentum því nauðsynlegasta ofan í tösku, komum við á Devitos og keyptum pizzu sem við tókum með okkur á Klambratún/Miklatún. Þar lögðumst við á picnic-teppin, borðuðum pizzuna og sleiktum sólina í smá stund (erum hvorugt neitt mikið sólbaðsfólk).

Þegar við höfðum fengið nóg af sólinni og steikjandi hitanum í bili fórum við aftur í bílinn, keyptum okkur bragðarefi á Snæland í Furugrundinni og settumst með þá á bekk á útivistarsvæðinu fyrir neðan Digraneskirkju.

Fullkominn dagur :)