Svaf lítið framan af nóttu vegna kvefsins, en náði í staðinn að sofa aðeins fram eftir morgni. Mætti á hádegi á skipulagsdaginn í vinnunni og tók tvö foreldraviðtöl, en aðalviðtalsdagurinn er samt á morgun.

Kl. fjögur fórum við Jói svo á foreldranámskeið á heilsugæslustöðinni okkar. Virkilega áhugavert og skemmtilegt, þó ég viðurkenni nú að ég hefði notið þess enn betur ef ég hefði haft þann möguleika að geta andað með báðum nösum og ekki þurft að snýta mér á fimm mínútna fresti...

Nú vitum við heilmikið um síðustu vikur meðgöngunnar og um fæðinguna sjálfa - getum bara farið að einbeita okkur að því að hlakka til alls fjörsins :)