Bumbulína ákvað aðfararnótt laugardags að hún væri komin með nóg af vistinni í bumbunni og sendi foreldrana af stað á fæðingardeildina, eða réttara sagt í Hreiðrið.

Kl. 15:31 á laugardeginum skaust hún í heiminn, undurfögur og með smá svartan hárlubba.

Við erum komin með prinsessuna heim og ætlum að taka því rólega næstu 1-2 vikur, kynnast betur, læra almennilega á brjóstagjöfina og hafa það huggulegt saman.

Að því loknu hlökkum við til að fá gesti og monta okkur af þessari dásamlegu skvísu ;) Þegar orka og tími leyfa, þá setjum við inn fleiri myndir en í bili þá getið þið skoðað hana á þessari mynd og kíkt á ættarsvipi. En við erum reyndar alveg búin að sjá að þeta er lítil pabbastelpa... ;)

Við þökkum fyrir allar fallegu kveðjurnar sem við höfum fengið með sms, tölvupóstum og í orðabelgnum og einnig í gegnum foreldra okkar.

Hafið það gott, kæru vinir - það ætlum við alla vega að gera :)