Dóttir okkar var skírð heima hjá ömmu sinni í Hraunbænum klukkan hálffjögur í dag, þegar hún var nákvæmlega tveggja vikna gömul. Nafnið hennar, sem við foreldrarnir höfum notað í einrúmi frá því við komumst að því að von væri á lítilli stúlku í heiminn, var gert opinbert við sama tækifæri en hún heitir Ragna Björk í höfuðið á báðum ömmum sínum.

Hún var mjög góð meðan á skírninni stóð og kvartaði bara smávegis meðan presturinn skírði hana með vatninu. Svo svaf hún í gegnum alla veisluna og lét ekki trufla sig þó hún væri færð úr einu fangi yfir í annað fyrir alls kyns myndatökur.

Mínar myndir úr skírninni má finna hér og mamma er með sínar myndir hér.