Það var nú ekki ætlunin að láta Gúmmíbangsana tróna hér á forsíðunni út allan mánuðinn... þó þeir séu frábærir ;) Svona er þetta bara stundum.

Heilmikið skemmtilegt búið að vera í gangi, brúðkaup, barnaafmæli, bílakaup og fleira.

Núna er hins vegar öll fjölskyldan í Betrabóli með kvef og hálsbólgu. Við bíðum spennt eftir þakklætiskorti frá Kleenex enda hljótum við ein og sér að hafa haldið fyrirtækinu uppi síðan fyrir síðustu helgi.

Mér finnst verst að Ragna Björk skuli hafa náð sér í vott af kvefinu líka, en það hlaut nú að koma einhvern tímann að fyrstu veikindunum. Hún er með pínu stíflað nef, rennur úr augum, sefur lítið sem ekkert yfir daginn og vaknar nokkrum sinnum á nóttu, lösnum foreldrunum til mikillar gleði eða þannig... En hún er a.m.k. ekki með hita svo að þetta virðist bara vera svona týpískt nefkvef. Vonum bara að það fari ekki yfir í að vera neitt meira.

Markmiðið í bili er því að ná upp sæmilegri heilsu hjá öllum fjölskyldumeðlimum.