Kíkti á heilsugæsluna áðan til að ná mér í sýklalyf við minni krónísku kinnholubólgu sem heimsótti mig enn á ný um helgina. Hugsaði með mér að það hlyti að vera rólegra að fara á vaktina þar heldur en á Læknavaktina á Smáratorgi. Minnti líka að það væri ódýrara.

Held ég haldi mig bara við Smáratorgsvaktina héðan í frá. Þurfti að bíða í klukkutíma og korter á heilsugæslunni og held þetta hafi verið dýrara, svei mér þá! Svo þurfti ég hvort eð er að fara á Smáratorgið því apótekið er þar.

Passa mig að gera þessi mistök ekki aftur næst.