Mér finnst ég hafa unnið í lottóinu um þessar mundir því ég er að endurheimta bæði mömmu og Guðbjörgu aftur í mitt bæjarfélag! :) Jú, mamma og Haukur fluttu í Kópavoginn í mars s.l. og Guðbjörg og familían flytja hingað í júní. Svo að það er eintóm gleði og tilhlökkun hér á bæ :)

En þar sem nýtt húsnæði með breyttri herbergjaskipan kallar oft á breytta uppröðun á heimilinu þá eru Guðbjörg og Magnús að selja hluta af búslóðinni. Magnús er með húsgagnaauglýsingarnar á heimasíðunni sinni og það er margt fallegt í boði hjá Selfossfjölskyldunni. Kíkið endilega á það sem þau eru að selja með því að smella á myndina hér til hliðar.

- x - x - x - 

Við Jói vorum reyndar líka með breytingar, en við vorum að kaupa okkur veggsamstæðu í stofuna. Gamli stofuskápurinn okkar er því til sölu núna og þó ég ætli nú ekki í samkeppni við húsgagnasölu Grundartjarnar ;) þá vil ég nú skella hér inn mynd af skápnum. Hægt er að hafa hann stóran eins og hér sést fyrir neðan, eða í þrennu lagi. Hægt er að kaupa hluta af skápnum ef einhver hefur takmarkað pláss. Einn hluti er á 5.000 kr., tveir saman á 8.000 kr. og allir þrír á 10.000. Sko, bara magnafsláttur eftir því sem keypt er meira af skápnum ;) Áhugasamir sem vilja koma og skoða skápinn geta sent mér póst.