Fór með rútunni í bæinn kl. 13 og var komin heim í Betraból um kl. hálfþrjú. Þó það sé alltaf gaman að fara á Selfoss á Hótel Mömmu þá er líka alltaf gott að koma heim :)
   Ég dundaði mér við að gera ekki neitt, kíkti á e-mailin og fór í smá tölvuleik. Jói kom svo heim um hálfsjö eftir u.þ.b. 36 tíma verkefnavakt. Hann skreið örmagna upp í rúm strax eftir kvöldmat og fór að sofa. Vonandi sefur hann alveg fram á morgun, ég held honum veiti ekki af svefni!
   Fyrst bíllinn var heima og eigandinn sofandi ákvað ég að nota tækifærið og skreppa inn í Kringlu og kaupa jólagjafir. Þetta var ágætis tími til að versla - hæfilega mikill mannfjöldi á sveimi.