Í dag heimsótti ég Guðbjörgu í skólann og gerðist aðstoðarkona í jólaföndri. Ég get ekki beðið eftir að útskrifast og fara að kenna, mér finnst svo gaman að vera með krökkum í skóla :)

Við Guðbjörg stungum svo af úr skólanum þegar honum lauk og gerðum ásamt móður okkur innrás í bústaðinn hjá Eddu og Jonna. Þau búa þar núna meðan þau bíða eftir að geta flutt inn í hinn endann á raðhúsinu þar sem mamma býr. Mér finnst svo sniðugt að þær systurnar séu að fara að búa í sama húsi.

Guðbjörg bauð mér í kvöldmat og horfðum við systurnar svo saman á Survivor. Ég er orðin svo spennt að vita hver vinnur keppnina núna og finnst mér hálffúlt að þurfa að bíða fram á 30. desember með að sjá lokaþáttinn og fá ekki neinn þátt næsta mánudag!