Eins og Jói greinir frá í sinni færslu fyrir daginn í dag þá höfum við eignast nýjan bíl :) Ég er hæstánægð enda söguleg stund fyrir mig þar sem ég hef aldrei átt bíl áður. Mazdan var nú bara bíllinn hans Jóa.... Jói nefnir að bíllinn beri nafn uppáhaldsíþróttaborgar sinnar í Bandaríkjunum, Phoenix, en hann gleymir að segja frá því að næsta Harry Potter bók mun einmitt bera nafnið "The Order of the Phoenix". Svo þetta er að öllu leyti stórgott nafn á stórgóðum bíl ;)