Smakkaði skötu í fyrsta skipti á ævinni í kvöld. Ég hef aldrei lagt í það áður en ákvað núna að það væri kominn tími til að prófa. Og hún var bara alveg ágæt...ja alla vega mun betri en lyktin af henni! Amma mín á afmæli á Þorláksmessu og þá er alltaf haldið skötuboð henni til heiðurs. Síðustu tvö ár hefur Loftur boðið heim til sín en nú í ár var ég sú eina af okkar helmingi fjölskyldunnar sem gat mætt því Jói var í vinnunni og Selfyssingarnir gátu ekki verið svo seint á ferð með börnin. En sem sagt, alltaf notalegt að hitta fjölskylduna :)

Eftir skötuboðið hjá Lofti sótti ég Jóa í vinnuna og við steiktum okkur hamborgara áður en halda átti af stað á Selfoss. En hvað haldið þið að gerist þegar við erum að ganga frá diskunum...tennurnar fara að hrynja úr honum Jóa mínum! Reyndar bara lítið brot úr tönn og ein fylling en nóg til að okkur þótti réttara að senda hann á neyðarvakt tannlækna. Þar kippti tannlæknirinn úr honum 1 stk. endajaxli rétt si svona og tók hluta af kjálkabeininu með. Skemmtilegt að lenda í svona daginn fyrir aðfangadag, ekki satt?

Að þessum hremmingum loknum var svo ekið af stað á nýja bílnum og renndum við í hlað á Hótel Mömmu um kl. 22:00