C-bekkurinn hittist á Ítalíu í gærkvöld til að halda reunion. Fyndið að hitta stelpurnar aftur og engin virtist hafa breyst neitt - enda eru nú reyndar bara þrjú og hálft ár síðan við útskrifuðumst... ;) Maturinn á Ítalíu var góður enda gerir maður nú kröfu á að hann sé það þegar maður er búinn að bíða eftir honum í klukkutíma og 20 mínútur frá því pantað var!
Eftir matinn fórum við heim til Sunnu og þar var spjallað og djúsað til rúmlega tvö en þá fóru flestir niður í bæ (ég fór reyndar heim þá, surprise surprise!).

Reunionum er ekki lokið hjá mér enn, í kvöld ætlar Laugalækjargengið að hittast á Astró. Ég hef ekki hitt marga af þessum krökkum frá því við kláruðum 10. bekkinn svo það verður líklega meira um breytingar á fólki þar heldur en í gær. Vonandi að maður geri sig nú ekki að fífli með því að þekkja fólk ekki aftur...