Mér til mikillar gleði byrjaði jólasnjókoma í hádeginu í dag. Því miður stóð hún ekki lengi svo afraksturinn er harla lítill. Hvenær fáum við eiginlega almennilega snjókafla hérna?

En það var vel viðeigandi að fara strax eftir hádegið í Samfélagsfræði og listir þar sem við erum einmitt að fjalla um snjóinn. Anna Jeppesen fékk okkur til að teikna snjókristalla og túlka snjókorn með leikrænni tjáningu.

Þegar ég kom heim úr skólanum rak ég augun í ungan og myndarlegan mann sem var að ljúka við að fjarlægja snjó af stéttinni upp að húsinu okkar. Ekki amaleg sjón það ;)

Það liggur við að það klingi í eggjastokkunum þegar maður sér dúllusnúllamyndina á blogginu hennar Helgu Sigrúnar. (Varla að maður þori að láta svona færslur frá sér fara, ætli það verði ekki klappað á magann á mér í skólanum á morgun...? hehehe)