Fór í gamla skólann minn, Laugarnesskólann, í dag. Þegar ég kom voru krakkarnir annað hvort á leiðinni út í frímínútur eða skóladeginum var einfaldlega að ljúka. Alla vega voru allar stofur opnar, krakkar út um allt svo þetta var líkast fuglabjargi. En samt, mér leið samt mjög vel og varð eiginlega frekar ánægð með að sjá allt þetta líf. Mig langaði mest til að setjast inn í einhverja stofuna, taka upp stílabók og pennaveski og setjast á grunnskólabekk á ný. Alltaf sami góði andinn í Laugarnesskólanum :)