Það hafa líklega margir horft á myndina um Michael Jackson sem sýnd var á RÚV í gær og þar á meðal var ég. Ekki sem aðdáandi heldur var ég spennt að fá að skyggnast inn fyrir hjá "fríkinu". En í stað þess að hlæja mig máttlausa eins og ég var búin að búa mig undir, öðlaðist ég mikla samúð með aumingja manninum. Ég er innilega sammála honum Þorkeli, Martin Bashir fór langt langt yfir strikið. Það er mín skoðun að helsta vandamál Michael Jackson sé einmitt að hann er enn bara krakki, hagar sér sem slíkur og gerir sér ekki alveg grein fyrir afleiðingum gjörða sinna. Mér finnst ólíklegt að hann sé að misnota þennan dreng sem kemur og gistir hjá honum, en hins vegar hefði hann mátt vita að hann gæti lent í vandræðum ef hann leyfði fleiri utanaðkomandi börnum að gista í rúminu sínu eftir lögsóknina sem hann lenti í fyrir u.þ.b. 10 árum. Ég hef smá áhyggjur af börnunum hans þó hann vilji þeim greinilega allt hið besta, held að það geti varla verið hollt fyrir börn að alast upp hjá 44 ára gömlum, veruleikafirrtum Pétur Pan.
       Meira um myndina
          Heimildarmyndin vekur deilur
          Viðbrögð Michael Jackson við myndinni
          Nokkrar greinar um heimildarmyndina