Við mæðgurnar þrjár fórum í gegnum heilu fjöllin af gömlum myndaalbúmum í gær og ég skannaði heilan helling inn. Eitthvað af myndunum er komið inn á netmyndaalbúmið hennar mömmu en meirihluti myndanna bíður samt enn í möppum á tölvunni minni.

Jói kom um kvöldmatarleytið og borðaði með okkur kjúkling. Skömmu síðar drifum við okkur af stað í bæinn til að gera okkur sæt og fín fyrir sameiginlegt afmæli Jóa Þórs og Eddu (bekkjarsystur Jóanna tveggja). Við skemmtum okkur vel, ég bragðaði á blágrænu bollunni og við dáðumst að útsýninu af svölum gestgjafans (Eddu).

En þrátt fyrir að við færum heim á miðnætti eins og Öskubuska, þá var mjög erfitt að rífa sig fram úr rúminu í morgun. Kannski af því plan dagsins var að þrífa íbúðina hátt og lágt. Aldrei gaman að yfirgefa hlýtt og mjúkt rúm til að gangast undir sjálfspyntingar þær sem fylgja því að þrífa og taka til ;) En það hafðist að lokum. Jói dreif sig í bakaríið og keypti morgunmat handa okkur og að honum loknum vorum við klár í slaginn. Nú er líka allt orðið voða hreint og fínt :)

Síðan kíktum við í heimsókn til tengdapabba og Daða, snæddum með þeim Dominos-flatbökur og ég fékk að skoða húsakynnin í fyrsta sinn. Þetta er virkilega skemmtileg og falleg íbúð.

Í kvöld horfðum við á Twin Dragons, alveg svakaleg steypa frá Jackie Chan en hægt að hlæja að vitleysunni í henni ;)