Var enn veik í dag svo ég hélt mig heima, svaf og horfði á restina af videospólubunkanum sem Jói sótti fyrir mig í gær. Gott ráð, Helga ;)
Ætla í vinnuna á morgun enda hitinn kominn niður í örfáar kommur. Þannig að þegar mamma og Guðbjörg litu við um kvöldmatarleytið á leiðinni í bíó þá ákvað ég að skella mér með þeim. Sé sko ekki eftir því. Við fórum á What a girl wants og ég get varla lýst því hvað myndin er frábær! Um leið og við komum út sögðum við Guðbjörg samtímis að þetta væri mynd sem okkur langaði til að eignast. Mr. Darcy... fyrirgefið... Colin Firth var ótrúlega flottur og sætur að vanda enda ekki við öðru að búast af sjálfu goðinu og Oliver James III sem ég kannast ekki við að hafa séð í mynd áður var einnig algjör hjartaknúsari (það má alveg skella honum í þó nokkrar myndir til viðbótar). Held ég bendi öllum mínum vinkonum (og öðrum sem kunna að meta góðar myndir) að sjá þessa mynd sem fyrst!