Skruppum upp í Miðhús í dag með tölvuleik fyrir Kára. Sátum drykklanga stund og spjölluðum við tengdó áður en við skruppum yfir í Húsasmiðju að athuga með harmonikuhurð fyrir vinnuherbergið okkar. Þar fengust rennihurðir en engar harmonikuhurðir. Ef einhver lumar á harmonikuhurð í geymslunni sinni sem hann þarf ekki á að halda, þá má sá hinn sami endilega hafa samband :)

Ég fór í rigningunni í kvöld út á videoleigu og náði mér í Emmu á DVD. Hef aðeins séð hana einu sinni og það fyrir löngu síðan svo það var alveg kominn tími á hana aftur. Virkilega sæt og skemmtileg mynd :) þó hún jafnist auðvitað ekkert á við aðalmeistaraverk Jane Austen ;) Mikið hlakka ég nú samt til þegar DVD-spilarinn okkar verður búinn að jafna sig, það er svo mikið fyrirtæki að tengja fartölvuna og hátalara við sjónvarpið. Varla að maður nenni því á svona letidögum...