Þetta er allt að koma hérna hjá okkur á nýja heimilinu. Fórum í IKEA í dag til að kaupa bókahillu og fengum hjálp tengdapabba á stóra jeppanum við að koma henni heim. Ég þarf reyndar að fara aftur og kaupa aukahillu í hana en þá verður þetta líka orðið fínt fyrir eitthvað af bókunum okkar. Þegar við vinnum margar margar milljónir í lottóinu einhvern tímann þá kaupum við séríbúð fyrir allar bækurnar okkar en þangað til verðum við bara að þjappa í bókahillunum sem við eigum :)

Horfði óvart á endursýndan John Doe áðan. Fyrsta skipti sem ég sé þessa þætti og það voru heilmikil mistök. Ég sé það nefnilega að nú verð ég að fara að fylgjast með, þetta var nefnilega frekar spennandi. Einhver sem veit á hvaða dögum hann er sýndur á sómasamlegum tíma?