Jæja, þá er að taka fram vasaklútinn - Bráðavaktin er byrjuð aftur :)

Hlíðaskóli sá um morgunkaffið í verkfallsmiðstöðinni í morgun. 70% kennara skólans mættu og mér leið eins og ég væri aftur stödd á gömlu, góðu, háværu, þröngu kennarastofunni okkar ;) Mikið verður gaman þegar þetta verkfall verður búið.
Smáraskóli tók við eldhúsvaktinni í hádeginu og ekki tóku síðri veitingar við þá. Nammi namm :) Greinilega mikið bakstursfólk sem vinnur í Hlíðunum og í Smárahverfinu ;)

Vonandi mæta nú sem flestir kennarar í Borgartúnið í fyrramálið. Mætum fyrir utan Karphúsið fyrir kl. níu og sýnum stuðning!

Sjúkraþjálfarinn minn gerði enn eina tilraun til að koma vinstri hönd minni í samt lag og setti þó nokkurn slatta af leiserbylgjum í gegnum hana. Vafði hana svo með einhverju voða fínu plásturslímbandi og nú er bara að bíða og sjá.

Frábær auglýsing frá Kennarasambandinu í Fréttablaðinu í morgun. Svona launaseðill er enginn uppspuni - og þó lágur sé, er hann meira að segja hærri heldur en hjá mörgum, m.a. mér...