Var voða dugleg í dag og réðst á "bókhaldsskúffurnar" okkar, það var kominn tími til að reikningar og aðrir merkilegir seðlar fengju nýtt heimilisfang í bókhaldsmöppum. Jói tók svo þátt í pappírsflutningunum þegar hann kom heim úr vinnunni.
Verðlaunin fyrir dugnaðinn voru 6 þættir af Friends, nánar tiltekið þættir 3-8 í nýju seríunni. Snoppufríðu vitleysingarnir í New York alltaf góðir.
Ég fékk svo hálfgert samviskubit þegar ég kom að tölvunni aftur og spjallaði við Helgu Sigrúnu á MSN en hún er á þessari stundu að krepa yfir aðferðafræðiverkefni ásamt þremur öðrum þjáningarsystrum úr Kennó. Mér leið eiginlega illa yfir að vera að slæpast meðan aðrir eru á fullu í ógeðfelldum verkefnum. Ég bíð þeirrar stundar í ofvæni þegar við verðum búin að losa okkur við aðferðafræðiprófið 6. desember, vonandi með nógu háa einkunn til að ná...