Aðalbókin í næsta jólabókaflóði verður örugglega smásagnasafn Steingríms Njálssonar. Ég er núna að horfa á "Sönn íslensk sakamál" á Ríkissjónvarpinu og ég á bara ekki orð yfir delluna sem veltur upp úr þessum manni. Hann er svo hraðlyginn og duglegur að skálda að hann hlýtur að hafa mikla hæfileika til að skrifa bók. Hvað er eiginlega að???

Drabble-teiknmyndasagan á comics.com í dag er tileinkuð ljósmyndafríkum og ég er einmitt ein af þeim. Ég eyði gífurlegum fjármunum í framkallanir enda fer ég ekki á mannamót eða sérstaka viðburði án myndavélarinnar minnar. En minningarnar mínar eru þá líka geymdar á góðum stað í myndum, enda lítið hægt að stóla á þennan blessaða heila til að geyma nokkurn skapaðan hlut! Á morgun þyrfti ég endilega að fara með tvær filmur í framköllun, það er næstum því kominn mánuður síðan ég tók myndir á aðra þeirra, hún má ekki bíða mikið lengur... ;)