Við Guðbjörg skruppum í Smáralindina í dag að skoða föt. Sem betur fer fyrir fjárhag minn sá ég ekkert sem mér fannst fallegt enda tískan ekki að mínu skapi þessar vikurnar. Ég bíð spennt eftir að aðrir litir en brúnir komist aftur í tísku og ekki get ég sagt að ég sé hrifin af bolum sem líta út fyrir að hafa verið framleiddir úr gömlum nælonsokkabuxum.
Í Vetrargarði Smáralindar sýndu meistarakokkar svo snilli sína en þar var í gangi matreiðslukeppni Iceland Naturally. Kokkarnir voru að elda forrétt þegar við komum að en þar sem við vorum ansi svangar þá öfunduðum við dómnefndina pínu. Samt langaði okkur lítið í einn forréttinn sem við sáum en hann samanstóð af einhvers konar frauði á kexi og umhverfis kexið voru fjórar marmelaðiklessur.