Loksins kom snjórinn! Jú jú ég veit vel að það er nú búið að snjóa smá öðru hvoru í vetur en í dag kom loksins vottur af alvöru jólasnjó. Ég greip myndavélina með mér á leiðinni í leikhúsið í kvöld og tók næstum heila filmu af snjómyndum niðri í bæ. Ég rétt næ að láta framkalla þær til að koma þeim með í ferlimöppuna mína um snjóinn . . . vonandi! :)

Já, ég fór í leikhús í kvöld að horfa á hann Unnstein frænda láta ljós sitt skína. Leikfélag Iðnskólanna er að sýna leikritið Mómó í Tjarnarbíói. Þrátt fyrir að vera ein á ferð þá naut ég sýningarinnar til fullnustu enda er þetta glæsileg sýning sem mér finnst að allir ættu að drífa sig og sjá. Hver fellur ekki fyrir því að sjá áhugaverða og vel gerða sýningu á aðeins 800 kr.? Mæli með því að þið skellið ykkur á næstu sýningar sem eru 4. og 5. apríl.