Fór ásamt Jóhönnu, Assa og Guðrúnu Brynju á Grease í Borgarleikhúsinu í kvöld. Sýningin kom virkilega á óvart enda mikið breytt frá upprunalegu útgáfunni. Einhver gæti kannski kvartað yfir því en mér fannst það frábært, það gerði atburðarásina aðeins óvæntari, maður vissi aldrei nákvæmlega hvað myndi gerast næst. Jónsi er fullkominn sem Danni, taktarnir og stælarnir hans eins og sérsniðnir fyrir hlutverkið. Birgitta er líka voða sæt og fín. Ég held að málið sé svo bara að horfa einu sinni enn á myndina á morgun og rifja upp hvernig Johnny og Olivia fóru að þessu ;)
     Þegar ég leit yfir salinn í hléinu datt mér í hug að við hefðum kannski villst inn á þrjúbíó, það voru svo mörg börn í salnum og allar stelpurnar með Birgittublóm í hárinu sýndist mér ;) Daman við hliðina á mér var varla eldri en fimm ára en hún, jafnt sem u.þ.b. 2 ára systir hennar sem sat í fanginu á mömmu sinni, var alveg til fyrirmyndar og það heyrðist varla í þeim systrum.

Í öðrum fréttum er svo það helst að Helga Sigrún og Jónas eru búin að kaupa sér íbúð. Til hamingju með það :)