Það er einstæðingskvöld hjá mér í kvöld og ég ákvað að kaupa mér pizzu frá Pizza Hut. Skellti mér á miðstærðarpizzu en sleppti brauðstöngum. Áætlað verð var 1870 kr.

Þegar ég kom að sækja pizzuna í Smáralind komst ég að því að það var í gangi tilboð sem innihélt pizzuna mína, lítinn skammt af brauðstöngum, brauðstangasósu og 1 líter af gosi. Og herlegheitin kostuðu u.þ.b. 200 kr. minna en upphaflega verðið sem ég átti að borga.

Þannig að ég skipti auðvitað snarlega yfir í þetta fína tilboð.

Stend nú á blístri eftir að hafa gúffað í mig pizzunni en á allar brauðstangirnar eftir. Fínt að hafa þær í hádeginu á morgun.

Já, við mæðgurnar erum með eitthvað ólík gen hvað þetta varðar ;)