Sunnudagar hafa aldrei verið í sérstöku uppáhaldi hjá mér. Á sunnudögum er helgin að verða búin, það verður ekki hægt að sofa út daginn eftir, ég á alltaf eitthvað eftir að læra en kem mér ekki í það, mig langar að gera eitthvað skemmtilegt en kem mér ekki í það því ég er alltaf að hugsa um að ég eigi eftir að læra og oftast er leiðinlegt veður. Sunnudagurinn í dag var ekkert skárri því ég var enn hálfslöpp eftir lítinn svefn fyrir laugardaginn og eins og meirihluti þjóðarinnar er ég með kvef. Ég hlakka eiginlega bara til morgundagsins þegar vikan byrjar eftir því þá get ég alla vega farið að hlakka til næstu helgar...