Guðmundur B. Kristmundsson var með fyrirlestur í Læsi og lestrarnám I kl. 8 í morgun og hann byrjaði tímann á að láta okkur fylgja í fótspor Donald Graves. Graves þessi iðkar þann skemmtilega sið að skrifa eitthvað á hverjum degi, sama hvar hann er staddur. Á ákveðnum tímapunkti setur hann penna á blað og skrifar í samfleytt í 10 mínútur án nokkurs hiks. Hann skrifar allt sem honum kemur í hug og ef honum dettur ekkert í hug, þá skrifar hann bara um að honum detti ekkert í hug. Guðmundur mælir með að við nýtum okkur þessa hugmynd í kennslu, þ.e. látum nemendur okkar skrifa svona í t.d. 5 mínútur á dag, eitthvað sem enginn þarf að fá að sjá nema þau. Mér finnst þetta sniðug aðferð til að þjálfa ritun og á örugglega eftir að nýta mér hana í framtíðinni. Sting hugmyndinni í gagnabankann :)