Við mamma keyptum okkur bolludagsbollur í bakarí í dag, fylltum þær af rjóma og sultu og fengum svo illt í magann á eftir. Alvöru bolludagur þetta! :) Hann ætti eiginlega frekar að heita forsprengidagur því maður borðar alltaf þangað til maður er að springa.
Reyndar þjófstörtuðum við um helgina, Guðbjörg kom með börnin í heimsókn á laugardeginum og mamma bakaði bollur. En mér finnst nú allt í lagi að svindla pínu á þessu, um að gera að framlengja bolludaginn, hann er nú bara einu sinni á ári.

Gullkorn dagsins: Forðumst neikvæðni, hendum henni bara í ruslið eða yfir axlirnar...!... :)