Á laugardagskvöldinu töluðum við um að fara ekki seinna en 15:30 úr bústaðnum. Þegar við vöknuðum á sunnudeginum var kl. samt orðin 15:00 svo við höfðum hraðar hendur með að taka til og þrífa. Hófí hélt uppboð á sameiginlega afgangsmatnum í ísskápnum og við skiptum honum þannig niður á okkur. Við vorum nefnilega með slatta af extra mat - ég held ég skipti mér ekki af innkaupum fyrir svona stóran hóp aftur, því ég hélt við myndum borða miklu meira en við gerðum. Þó það hefði auðvitað verið gott að koma heim aftur þá var ég samt alveg í stuði til að vera lengur, t.d. eina nótt í viðbót. Þetta var frábær ferð! :)