Kennó byrjaði aftur í dag eftir ansi langt jólafrí. Dagurinn byrjaði á íslenskufyrirlestri í Sjómannaskólanum frá 8 til 10 og svo var tími í Börn og trú frá 14 til 16. Ég komst reyndar að því strax eftir íslenskuna að þrátt fyrir að vera í fullu námi þá vantar mig eina einingu upp á að fá námslánin. Ég er að hugsa um að skrá mig í ljóðanámskeið sem er einmitt 1 eining.

Enn einn þátttakandi var sendur heim úr Survivor í gær svo að nú eru þau 5 eftir. Ég vara fólk sem fylgist með Survivor samt við því að fara inn á heimasíðu bandarískra fjölmiðla eða að nota ICQ því þá verður það ekki lengur neitt leyndarmál hver sigraði keppnina. Helst þyrfti ég að loka mig inni næstu vikurnar þangað til Skjár einn sýnir síðasta þáttinn svo keppnin verði ekki eyðilögð fyrir mér eins og í fyrra. Aumingja Jói lenti í að sjá hver vann þessa Survivorkeppni þannig að nú er eina spennan fyrir hann að sjá hverjir verða reknir út þangað til sigurvegarinn og einhver annar verða eftir. Hálffúlt!