Skrapp með Guðbjörgu í útréttingar. Við fórum í Ríkið til að versla fyrir afmælisboðið hennar, fórum í Hagkaup þar sem ég lét hana kaupa alltof mikið af salsa-sósu og rjómaosti. Í Hagkaup var verið að gefa að smakka páskaegg og á næsta bás var kaffi. Ágætis samsetning. Sniðugt þegar kynningarbásar eru svona skemmtilega staðsettir. En ég hef mikið verið að velta því fyrir mér af hverju páskaeggin voru komin í búðir í lok febrúar þegar páskadagurinn er ekki fyrr en 31. mars. . .vesalings börnin verða orðin spinnegal af eftirvæntingu! Þetta kemur svo sem ekkert á óvart, búðirnar virðast alltaf þjófstarta öllum svona hátíðum, hvort sem það eru jól eða páskar.