Guðbjörg hélt upp á þrítugsafmælið sitt í dag milli ca. 5 og 7 hérna hjá okkur. Það er alltaf gaman að fá ættingja og vini í heimsókn, og suma ættingjana hafði ég ekki hitt almennilega í lengri lengri tíma eins og t.d. Vilborgu og Simma. Við Jói verðum að vera dugleg að bjóða fólki í heimsókn þegar við verðum flutt, matarboð og kaffisamsæti um hverja helgi...!
Við Guðbjörg skruppum síðan í innflutningspartý til Assa og Sigurjóns. Þar var fullt hús af fólki en hópurinn skiptist reyndar að mestu leyti í okkur saumaklúbbinn og svo vini Sigurjóns. Íbúðin er voða flott, stór og rúmgóð - þeir ættu ekki að lenda í vandræðum með að koma húsgögnum fyrir... En ég hló mikið að sturtunni...það er nefnilega glerveggur í henni þannig að ef maður stendur frammi á gangi fyrir framan baðherbergið þá sér maður þann sem er í sturtu skýrt og greinilega, eins og að horfa í gegnum glugga. Eins gott að það komi ekki gestir meðan annar hvor þeirra er í sturtu!