Þvílíkt kraftaverk! Ég fann mér skó í dag...og það tvenna skó! Þið sem ekki þekkið mig vitið kannski ekki að mér finnst fátt leiðinlegra en að kaupa skó. Ég finn sjaldan skó sem mér finnast fallegir og þegar ég finn skó sem mér líst á, þá eru þeir sjaldnast til í mínu númeri eða þá að þeir eru alls ekki hannaðir fyrir mína skrýtnu fætur. Ég er nefnilega álíka heppin og stjúpsystur Öskubusku við að máta skó, ég hef oft velt því fyrir mér að grípa til sömu aðferða og þær og höggva af mér annað hvort hælinn eða tærnar!
En í dag fór ég sem sagt í Outlet-búð X-18 að Fiskislóð 73 og sá fullt af flottum skóm og fann sem sagt þessi tvö par sem smellpössuðu á mig. Ég er því í skýjunum og ætla helst að vera í skónum inni í allt kvöld - verst að ég skuli ekki geta verið í báðum pörum í einu...