Loksins, loksins gef ég mér tíma til að setjast niður og láta umheiminn vita að við séum flutt. Jói (sem er miklu duglegri en ég að blogga...) er reyndar löngu búinn að senda út tilkynningu en ég er að kveikja á tölvunni minni í fyrsta skipti núna í kvöld síðan 24. maí.....! (ég veit hvað þið eruð að hugsa... "er Sigurrós farin að geta slitið sig frá tölvunni?" en ég sit nú við tölvu í vinnunni svo að þetta reddaðist...)

En sem sagt, við erum flutt og nokkurn veginn búin að koma okkur fyrir. Vinnuherbergið lítur reyndar ennþá út fyrir að hafa lent í sprengjuárás og ég einfaldlega nenni ekki að fara að taka til þar... :( en restin af íbúðinni er stórglæsileg! Fyrsti formlegi gesturinn kom í gær (öll skiptin sem mamma, Haukur og Jens hafa komið til að ditta að einhverju eftir að við fluttum teljast ekki formleg...) en Sigrún leit við og kíkti á höllina okkar.

Jói er í fríi núna og notar tímann til að lesa skólabækur og horfa á fótbolta...já...HM er byrjað! Ég trúi því ekki ennþá að minn ástkæri unnusti, sem finnst ósköp gott að kúra á morgnana, hafi farið fram úr rétt fyrir kl. 5 í morgun til að horfa á boltann! Þvílík harka!
Jæja, sem sagt, fyrsta bloggið hjá mér í langan tíma enda búið að vera asskoti nóg að gera...