Rólegur dagur í dag. Sváfum frameftir og svo fór ég að lesa í "Fabio-bókinni" minni (sjá nánari útskýringar á Fabio-bókum). Anna Kristín birtist óvænt í dyragættinni - ekki átti ég nú von á að sjá hana á Selfossi! Hún var ásamt foreldrum sínum á leiðinni í sumarbústað í grenndinni. Við ákváðum að verða samferða á Laugalækjarreunionið á laugardagskvöldið, skemmtilegra að þurfa ekki að mæta einn eins og álfur út úr hól.

Pabbi hans Jóa kom svo í heimsókn og einnig Edda og Jón Ingi stuttu síðar. Simmi leit við um leið en var á leiðinni í bæinn svo hann kastaði bara á okkur kveðju.
Við Jói héldum sjálf í bæinn í dag en þó ekki fyrr en um kvöldið í kringum sjöleytið.

Þó ljúft sé á Hótel Mömmu þá var samt gott að koma heim í Betraból. :)