Jói kom heim úr skólanum mínútu eftir að vekjaraklukkan mín hringdi í morgun. Úff...ekki vildi ég vera í svona stífu námi, þurfa að vera heilu næturnar í verkefnavinnu! Og ennþá u.þ.b. tvær vikur eftir þangað til verkefnið klárast :(

Á forsíðu Fréttablaðsins las ég grein um það aðkast sem Listasafn Reykjavíkur hefur orðið fyrir vegna bænakalls múslíma sem tengist sýningu safnsins á arabískri nútímalist. Bænakallið er sent út kl. 12, 14 og 16 og virðist fara óstjórnlega í taugarnar á nágrönnum safnsins. Ég skal viðurkenna að ég yrði kannski ekki ýkja hrifin ef ég byggi eða ynni þarna nálægt enda hefur þetta ef til vill truflandi áhrif á líf og störf þessa fólks. Aftur á móti hef ég ekki vitað til þess að Íslendingar séu vanir að stökkva upp til handa og fóta og hella sér með skömmum yfir starfsfólk þjóðkirkjunnar á sunnudagsmorgnum þegar kirkjuklukkur hljóma í hverju horni. Múslímska bænakallið er þó leikið um eftirmiðdaginn auk þess að vera aðeins tímabundin truflun...