Veðurguðirnir hafa ekki verið mér að skapi í dag. Hvar eru lognið og frostið? Hvar er jólasnjórinn? Hverjum datt í hug að senda okkur rigningu og storm í desember? Ég er sko ekki sátt - það er eins gott að það fari að bóla á hvítum snjókornum sem allra fyrst! Kannski ég ætti að skrifa til Veðurstofunnar, gá hvort þeir geta gert eitthvað í þessu máli...
Það er heldur ekki sérlega upplífgandi eða hvetjandi að lesa fyrir próf í þessu skítaveðri, ég verð alltaf þreytt í rigningu og roki. Svo ég minnist nú ekki á lætin enda er einfalt gler í vinnuherbergisglugganum þannig að mér hefur margoft fundist í dag að ég sæti í rauninni úti.

Veðurhorfur til kl. 18 á morgun:
Sunnan 15-20 og skúrir, en suðvestan 8-13 og skúrir eða slydduél á morgun. Kólnandi veður og hiti 2 til 7 stig á morgun.