Fór á Terra Nova...úpps fyrirgefið, Terra Nova - Sól strax eftir skóla í morgun og vann í rúma 5 tíma þar. Ágætt að koma sér svona hægt og rólega í gang áður en brjálæðið byrjar í sumar... Það verður mikil aukning á Frökkum frá því í fyrrasumar svo það verður víst nóg að gera. En það er nú búið að bæta manneskju í deildina okkar svo þetta ætti nú alveg að ganga án þess að allir endi á hæli eftir sumarið.
En eitt atriði leist mér nú alls ekki á hjá þessari nýju, sameinuðu ferðaskrifstofu... Það er búið að hengja risasjónvarp hjá utanlandsdeildinni svo að í hvert skipti sem maður fer þar í gegn til að fara í innanlandsdeildina þá blasa við manni gullnar sólarstrendur, ljúffengar sundlaugar og stæltir kroppar. Þetta er nú nóg til að láta mann missa vitið, enda hef ég ekkert efni á að fara til útlanda þar sem við erum að kaupa íbúð...